Home Blog Page 2

दुई युवतीसहित चार जना गेष्ट हाउसबाट पक्राउ

0

कलंकीको गेष्ट हाउसबाट २ युवतीसहित ४ पक्राउ परेका छन् । अपराधिक गतिविधिमा संलग्न रहेको आशंकामा प्रहरीले उनीहरुलाई पक्राउ गरेको हो।

पक्राउ परेकाहरुसँग खुकुरी तथा लागूऔषध बरामद भएको महानगरीय प्रहरी प्रभाग बलम्बुकी प्रहरी निरीक्षक शर्मिला गुरुङले बताइन्।

उनीहरु डेढ महिनादेखि सो गेष्ट हाउसमा बस्दै आएका थिए। प्रारम्भिक अनुसन्धानमा उनीहरु लागूऔषधको सेवन र कारोबारमा संलग्न रहेको प्रहरीले जनाएको छ।

युवाहरुकाे लागि अायाे खुसिकाे खबर

0

अब युवाहरु अरबमा भेडा चराउनु पर्दैन’: मन्त्री विष्ट

श्रम तथा रोजगार मन्त्री गोकर्ण विष्टले सरकार सामाजिक न्याय सहितको समृद्धि प्राप्त गर्न यो सरकार नँया ढङ्गले अगाडी बढ्न चाहेको बताएका छन् । गुल्मीको मुसिकोट नगरपालिकाले आयोजना गरेको स्वागत कार्यक्रममा बोल्दै उनले कृषि, शिक्षा स्वास्थ्य, रोजगारी लगायतका सामाजिक बिकासका क्षेत्रमा नया ढङ्गले नीति तथा कार्यक्रम बनाई जनताको सेवागर्न चाहेको बताए । विष्टले कुनै पनि व्यक्ति मन्त्री बन्दैमा जनताको जीवन बद्लीन नसक्ने बताउँदै जीवन बदल्न नया ढङ्गले काम गर्नुपर्ने बताए । ‘एक व्यक्ति मन्त्री हुँदैमा जनताको जीवन बदलिदैन’ उनले भने ‘जीवन बदल्न नयाँ ढङ्गले जीवन बदल्ने अभियान चलाउनु जरुरी छ’ । उनले खान नपाएर भोकै बसिरहेको गरीब, दलीत, पिछडिएको परिवारको विकासको निम्ति अब आधार तयार गर्ने बताए ।

मानचित्रमा गौंरवशाली, सबल र समृद्ध नेपाल बनाउने ऐतिहासिक दायित्व यो सरकारमा आएको भन्दै उनले सो दायित्व पुरा गर्न गर्न सरकार कुनै पनि कदम चाल्न पछि नपर्ने बताए ‘हामीले पुरानो मानसिकता र मनोबृतिलाइ सच्चाएर पुर्वाधार निर्माण गर्दै गरीबी बेरोजगारलाई समाधान गर्न नया ढंगले अगाडी बढ्नेछौ’ मन्त्री विष्टले भने ‘जनताका तमाम समस्या समाधानको निम्ति निश्चित नयाँ निती र कार्यक्रमका साथ अगाडी बढ्ने छौ’ । सरकारले केही समयमै नीति तथा कार्यक्रम सार्वजनिक गर्ने बताए ।

अब युवाहरु अरबमा भेडा चराउनु पर्दैन’

मन्त्री विष्टले देशमा पर्याप्त रोजगारी सिर्जना गर्ने बताए । ‘अब युवाहरु अरबमा युवाहरु भेडा चराउन पर्देन’ उनले भने ‘गाउँमै हजारौ रोजगारी सिर्जना गरी युवाहरुलाइ देशमै लगाउँछौ’ ।

मन्त्री विष्टले गुल्मीका दर्जन सडकहरुको स्तरोन्नती गर्दै, प्रत्येक जनताको घरमा केन्द्रिय बिद्युत, हरेक घरमा खानेपानीका धारा, खरका छाना हटाइ सुरक्षित आवास दिन, किसानका खेतमा सिँचाइ लगायतका व्यवस्था गर्न नया ढँगल अगाडी बढ्न खोजीरहेको बताए ।

निर्वाचनमा दिएको बचनबाट पछाडि हट्ने छैनौं

मन्त्री विष्टले चुनावको समयमा आफुहरुले बोलेको कुरा पुरा गर्नबाट पछाडी नहट्ने बताए । ‘जनताको असल सेवकको रुपमा काम गर्ने प्रतिबद्धताका साथ तपाइ सामु आएका छौ’ उनले भने ‘कहिले काँही काम गर्न खोज्दा खोज्दै पनि ढिला हुन सक्छ, तर बिकासका काम गर्न हामी जिम्मेवार छौ’ ।

मन्त्री बिष्टले चुनावमा आफुले बोलेका हरेक कुराहरु आफुले पुरा गरेरै छोड्ने बताए । ‘हामीले बोल्दै जाने बिर्सदै जाने होइन, हामीले बोलेका कुरा, केन्द्र, प्रदेश र स्थानीय सरकार मार्फत पुरा गर्ने छौ’ उनले भने ‘अबको केही बर्षमा हामी अरुले दिएको खाने होइन, गरीब देशहरुलाइ सहयोग गर्न सक्ने बन्नेछौ’ ।

‘हामी राजनीतिक रुपमा फरक हुन सकौला त्यो ठुलो कुरा होइन’, उनले भने ‘ठुलो कुरा त गाँउका जनताको जीवन माथी उठाउनु हो’ । जनताले दिएको बिश्वास डगमगाउन नपाउने गरी काम गर्ने उनले बिश्वस्त तुल्याए ।

जनताका काम शिरमा राख्नुस्, पार्टी बिर्सनुस्

मन्त्री विष्टले पाँच बर्षपछि पनि जनताको मनमा रहनेगरी काम गर्न गुल्मेली जनप्रतिनिधीहरुलाई निर्देशन दिए ।

जनताका आशा र समस्या काँधमा बोकेका जनप्रतिनिधीहरुको कामले गति नलिएको प्रति गुनासो गर्दै विष्टले पार्टीलाई भन्दा जनताका कामलाई प्रथामिकता दिन आग्रह गरे । ‘स्थानीय तहको भाग्य र भविष्य कर्मचारी र जनप्रतिनिधिको काँधमा छ,’उनले भने,‘ दुवै पक्षको समन्वय र सामुहिक प्रयत्नमा काम अगाडी बढाउनुस् ।’

विष्टले स्थानीय तहलाइ अधिकार सप्पन्न बनाउने दुनियाँका सिमित संविधान मध्ये नेपाली संविधान पर्ने बताए ।

छोटो समयमै एकता हुन्छ

नेकपा एमाले केन्द्रिय सचिव समेत रहेका मन्त्री बिष्टले दुइ ठुला बाम पार्टीहरु बिच छिट्टैनै पार्टी एकता हुने बताए ।

‘पार्टी एकताको बिषयमा कुनै आशंका र निराशा ब्यक्त गर्नुपर्ने आवश्यकता छैन’ मन्त्री बिष्टले भने ‘जुनसुकै हालतमा पनि पार्टी एकता हुन्छ, केही काम बाँकी रहेको कारणले केही ढिला मात्र भएको हो’ ।

मन्त्री विष्टले बुधवार नै मुसिकोट नगरपालिका वडा नं. ७ वामीटक्सार बजारमा लुम्बिनी वामी हस्पिटलको उद्घाटन गरेका थिए ।

घुससहित रंगेहात समातिए लालबाबु पण्डित र बाबुसाहेब सिंह

0

३० हजार घुससहित लालबाबु पण्डित रंगेहात पक्राउ

महोत्तरी – नेपाल विद्युत् प्राधिकरण वितरण केन्द्र जलेश्वरमा कार्यरत प्रविधिज्ञद्वय लालबाबु पण्डित र बाबुसाहेब सिंह रु ३० हजार घुससहित पक्राउ परेका छन् ।

थ्री फेज लाइन जडान गरिदिएवापत स्थानीयवासीसँग रु ३० हजार घुस लिँदै गरेको अवस्थामा अख्तियार दुरुपयोग अनुसन्धान आयोग बर्दिवासको टोलीले जलेश्वर–२ स्थित मीनाबजारबाट उनीहरूलाई पक्राउ गरेको हो । पक्राउ परेकामाथि थप अनुसन्धान भइरहेको आयोगका शाखा अधिकृत प्रकाश थापाले जानकारी दिनुभयो ।

मिटरमा चल्न नमान्ने ट्याक्सी धमाधम कारबाहीमा

0

काठमाडौँ । महानगरीय ट्राफिक प्रहरी महाशाखाले उपत्यकाभित्र मिटरमा चल्न नमान्ने ट्याक्सीलार्इ धमाधम कारबाही गर्न थालेको छ ।

महाशाखाले ट्याक्सी मिटरमा हिँड्न नमानेको व्यापक जनगुनासो कार्यालयमा आएपछि अनुगमनलाई तीव्रता दिएको हो । महाशाखाका सहप्रवक्ता मुकुन्द मरासिनीले मिटरमा हिँड्न नमान्ने दैनिक ५० देखि ७० ट्याक्सीलाई कारबाही गर्ने गरिएको बताए । ‘पहिले दैनिक १५÷२० ट्याक्सी कारबाहीमा पर्थे, अहिले कारबाही बढेको छ,’ उनले भने । उनले ट्याक्सी मिटरमा हिँड्न नमाने हटलाइन १०३ मा खबर गर्नसमेत आग्रह गरेका छन् ।

मिटरमा हिँड्न नमान्ने ट्याक्सीलाई महाशाखाले रु तीन हजारदेखि पाँच हजारसम्म जरिवानासमेत गर्ने गरेको छ । सहप्रवक्ता मरासिनीले मिटरमा हिँड्न नमान्ने ट्याक्सी अनुगमनका लागि दैनिक ३० जनाको जनशक्ति परिचालन गरिएको स्पष्ट पारे ।

महाशाखाले चालू आर्थिक वर्षमा मिटरमा चल्न नमान्ने झण्डै चार हजार ट्याक्सीलाई कारबाही गरिसकेको छ जनाएकाे छ ।

चिनी तस्करी : बोर्डरदेखि विभागसम्मको सेटिङ

0

बोर्डरदेखि विभागसम्मको सेटिङका कारण प्रदेश ७ का मुख्य नाकाबाटै वार्षिक २० हजार मेट्रिक टन (दुई करोड किलोग्राम) चिनी तस्करी भइरहेको पाइएको छ। कैलालीको त्रिनगर भन्सार आसपासको क्षेत्र र कञ्चनपुरको गड्डाचौकी नाका भएर उक्त परिणामको चिनी तस्करी भइरहेको हो।

साल्ट्र ट्रेडिङ कर्पोरेसन लिमिटेड धनगढीको तथ्यांकअनुसार एक जना व्यक्तिले वर्षमा कम्तीमा पनि चार किलो नुन र त्यसको दोब्बर आठ किलो चिनी खाने गर्छ। प्रदेश ७ को हालको जनसंख्या २९ लाख हो। यही आधारमा प्रदेश ७ मा वार्षिक २३ हजार दुई सय मेट्रिक टन (दुई करोड ३२ लाख किलो) चिनी खपत हुन्छ।

प्रदेश ७ मा आवश्यक पर्ने चिनीको ९९ प्रतिशतभन्दा पनि बढी हिस्सा चोरीपैठारी भएर आउने गरेको भन्सारकै अधिकारी स्विकार्छन्। ‘कैलालीको त्रिनगर भन्सार कार्यालयमा गत आर्थिक वर्षमा १३ हजार ७ सय ७० किलोे चिनी मात्रै भन्सार काटेर नेपाल भित्रिएको छ’, भन्सार कार्यालय कैलालीका सूचना अधिकारी गोपीकृष्ण उप्रतीले भने, ‘चालू आर्थिक वर्षको फागुन मसान्तसम्म त्यो घटेर चार हजार ९ सय ६३ किलोग्राम चिनी मात्रै भन्सारको बाटो भएर नेपाल भित्रिएको छ।’

धनगढीसँग जोडिएको त्रिनगर गौरीफन्टा प्रदेश ७ को सबैभन्दा ठूलो नाका हो। यसलाई भन्सार विभागले वार्षिक झन्डै पौने चार अर्ब रुपैयाँको राजस्व संकलनको लक्ष्य तोकेको छ। हरेक वर्ष लक्ष्य हासिल गर्दै आएको यो भन्सारले चिनीको नियमन गर्न भने सकेको छैन।

गत आर्थिक वर्षमा एक लाख ७१ हजार किलो चिनी भन्सारको बाटो भएर आयात भएकोमा चालू आर्थिक वर्षमा त्यो पनि ३८ हजार ६ सय किलोग्राम भएको कञ्चनपुरको गड््डाचौकी भन्सार कार्यालयको तथ्यांक छ। दुवै भन्सार नाकाबाट वैध तरिकाले वर्षमा झन्डै दुई लाख किलो मात्रै चिनी नेपाल भित्रिएको छ।

‘खपत र भन्सार हुँदै आएको अनुपात मापन गर्ने हो भने खपतको एक प्रतिशत मात्रै हुन आउँछ’, साल्ट टे«डिङ कर्पोरेसन लिमिटेड धनगढीका सहायक महाप्रबन्धक केशव पाण्डेयले भने। चिनीमा भ्याट, भन्सार महसुल र अन्य गरी झन्डै ३० प्रतिशत भन्सार शुल्क लाग्छ। भन्सार किताबमा भारतबाट आउने चिनीको मूल्य प्रतिकिलो ४८ रुपैयाँ तोकिएको छ। त्यसको ३० प्रतिशत भन्सार शुल्क झन्डै १५ रुपैयाँ हुन्छ। चिनीको खपतको तथ्यांकका आधारमा वार्षिक झन्डै ३० करोड रकम राजस्व घाटा भइरहेको छ।

‘यो कुरा हामीलाई पनि थाहा छ, पटकपटक लगाइएको भन्सार शुल्क घटाए वैध बाटोबाट चिनी आउने थियो’, उप्रेतीले भने। करोडौं रुपैयाँ राजस्व पनि बढ्ने थियो। तर माथिल्लो निकायले चिनीको भन्सार शुल्क घटाए नेपाली चिनी उद्योगीलाई नोक्सान हुने भनेर टार्दै आएको छ।’

भन्सारमै रोकियो दुई हजार क्विन्टल

९९ प्रतिशत चिनी चोरीपैठारी भएर आइरहेका बेला भन्सारको बाटो भएर ल्याइएको दुई हजार क्विन्टल चिनी भने कैलाली भन्सार कार्यालयले रोकेको छ। धनगढीका व्यापारी हरिशंकर ठाकुरले भारतको पलियामा रहेको बजाज सुगर मिलबाट खरिद गरी ल्याएको एक हजार पाँच सय क्विन्टल र अत्तरियाका व्यापारी महेन्द्र गुप्ताले ल्याएको पाँच सय क्विन्टल चिनी तीन दिनदेखि कैलाली भन्सार कार्यालयले रोकेको हो।

ठाकुरको नाममा रहेको ठाकुर ट्रेडलिंक र गुप्ताको नाममा रहेको बजरंग ट्रेड एन्ड सप्लायर्सले कैलालीसँगै जोडिएको भारतको उत्तर प्रदेश राज्यको पलिया बजारस्थित बजाज सुगर मिलबाट २८ रुपैयाँ ५० पैसा भारुमा दुई हजार क्विन्टल चिनी नेपाल ल्याएका हुन्। कैलाली भन्सार कार्यालयले भन्सार विभागको मौखिक निर्देशनअनुसार चिनीको मूल्य प्रतिकिलो ३० भारुभन्दा कम मूल्यांकन नगर्नू भन्ने निर्देशन आएको भन्दै उक्त चिनी भन्सारमै रोकेको हो।

दुवै जना व्यवसायीले बिमा, बैंक ग्यारेन्टीसहितका सबै कागजात पुर्‍याए पनि भन्सार कार्यालयले चिनी रोकेको आरोप लगाए। ‘९९ प्रतिशत चिनी तस्करी भएका बेला हामीले भन्सारबाटै चिनी ल्याए पनि कर्मचारीले खरिद दरको मूल्यांकन नगरिदिएकाले तीन दिनदेखि पाँचवटा ट्रक भन्सारमै रोकिएका छन्’, ठाकुर ट्रेडलिंकका सञ्चालक ठाकुरले भने।

भन्सार ऐनको परिच्छेद ५ को दफा १३ को उपदफा ४ मा पैठारीकर्ताले कारोबार मूल्य प्रमाणित गर्ने कागजात संलग्न गरेमा सोहीअनुसारको मूल्यनिर्धारण गरिने उल्लेख छ। ‘तर हामीलाई खरिद मूल्यमा कुनै पनि हालतमा मूल्यांकन गरिँदैन भनिएको छ’, उनले भने।

राजस्व आउने गरी ल्याइएको मालवस्तुको भन्सार बनाउँदिनँ भनेर भन्सारले सामान रोक्न नमिल्ने प्रदेशका आर्थिक मामिला तथा योजनामन्त्री झपट बोहराले बताए। यसबारे संघीय सरकारका अर्थमन्त्रीसँग कुरा गरेर निकास निकालिने उनको भनाइ छ।

बैंक खाताबाट धमाधम पैसा निकाल्दै छन् यातायात व्यवसायी

0

सार्वजनिक यातायातमा सिण्डिकेट अन्त्य गर्ने सरकारी निर्णयसँगै विभिन्न यातायात समितिहरूले आफ्ना बैंक खाताबाट धमाधम पैसा निकाल्न थालेका छन्। समितिहरूले एकैपटक ठूलो परिमाणमा पैसा निकाल्न थालेको जानकारी जिल्लाबाट गृह मन्त्रालयमा प्राप्त हुन थालेका छन्। बुधबारसम्म कास्कीबाट मात्र यातायात व्यवसायीहरूले तीनवटा बैंक प्रयोग गरी करिब तीन करोड निकालिसकेका छन्। सरकारी कार्यालयमा दर्ता भएका कुनै पनि संस्था–समितिले विनाकारण एकैपटक त्यति ठूलो परिमाणमा पैसा निकाल्न पाउँदैनन्।

तर, यातायात व्यवसायी समितिले मुद्दती खाताबाट करोडौँ पैसा निकाल्न थालेका हुन्। सिडीओले खाता रोक्का गर्न सक्छन् स् गृह प्रवक्ता गृह मन्त्रालयका प्रवक्ता रामकृष्ण सुवेदीले सिडिओले नै यातायात व्यवसायी समितिलाई नियमन गर्ने व्यवस्था भएकाले उनीहरूको खाता रोक्का गर्न मन्त्रालयबाट कुनै निर्णय गर्नुपर्ने स्थिति नरहेको बताए। प्रवक्ता सुवेदीले भने, ‘समिति दर्ता गर्ने र खारेज गर्ने अधिकार प्रजिअको कार्यालयलाई छ। यदि समितिले अस्वाभाविक रूपमा पैसा निकालेको हो भने त्यसलाई रोक्ने अधिकार पनि सीडीओसँगै छ। मन्त्रालयले कुनै निर्णय गरिरहनुपर्दैन।’

सामूहिक बलात्कारपछि हत्या: ‘प्रहरीले घटना सामसुम पार्न खोज्यो’

0

दमक — सामूहिक बलात्कारपछि हत्या गरिएकी महिलाका आफन्तले प्रहरीले हत्यारा पक्राउ गर्न बेवास्ता गरेको भन्दै आन्दोलनमा उत्रने चेतावनी दिएका छन् । मोरङ मधुमल्लाका उनीहरूले बुधबार दमकमा पत्रकार सम्मेलन गरी तत्काल हत्यारा पक्रन स्थानीय प्रशासनसँग माग गरे ।

दमकमा बुधबार आयोजित पत्रकार सम्मेलनमा हत्यारा पक्रन माग गर्दै पीडित परिवार । तस्बिर : कान्तिपुर

मिक्लाजुङ गाउँपालिका–७ मधुमल्लाकी ४४ वर्षीया शान्तिकुमारी तामाङको हत्या भएको डेढ महिना बिते पनि प्रहरीले अझै दोषी पत्ता लगाउन सकेको छैन । पत्रकार सम्मेलनमा मृतककी भदै रेणुका राईले हत्यारा पक्रन तथा घटना अनुसन्धान गर्न प्रहरी प्रशासनले बेवास्ता गरेको आरोप लगाइन् । ‘हामी कमजोर परिवारको भएकैले घटनाप्रति प्रहरीले गम्भीरता देखाएन, प्रहरीले घटना ढिसमिस गराउन खोजेको देखिन्छ,’ उनले भनिन् । हत्यामा संलग्न आरोपमा काठमाडौंबाट केही व्यक्तिलाई पक्राउ गरिए पनि तत्कालै छाडिएकोप्रति परिवारले आपत्ति जनाएको छ ।

दाजु भवीराज राईले आन्दोलन गरेर भए पनि हत्यारालाई कानुनी कठघरामा उभ्याउनुपर्ने बताए । हत्यारा सार्वजनिक नहुँदासम्म गाउँलेले सुरक्षा तथा पीडित परिवारले राहत महसुस गर्न नसक्ने उनको भनाइ छ । ‘डेढ महिनासम्म हामीले अरू कुनै काम राम्ररी गर्न पाएका छैनौं । प्रहरीले खोज्दैछौं भनेकाले हत्यारा पक्राउ पर्ने आसमा बस्यौं तर अहिलेसम्म कुनै प्रगति भएको देखिँदैन,’ उनले भने ।

स्थानीय नगेन्द्रकुमार लामिछानेले दबाब नपुगेकाले घटनाप्रति प्रहरी प्रशासन गम्भीर नबनेको आरोप लगाए । उनले कानुनी राज्यमा डेढ महिनासम्म हत्यारा पक्राउ पर्न नसक्नु आमजनताका लागि चिन्ताको विषय भएको बताए ।

फागुन १९ गते राति आफ्नै गाउँमा शान्तिकुमारीको हत्या भएको थियो । सामूहिक बलात्कार र हत्यापछि ढुंगाले किचेर फालिएको शव निर्वस्त्र अवस्थामा गाउँकै राम्री खोला किनारमा भेटिएको थियो । इलाका प्रहरी कार्यालय उर्लाबारीका प्रहरी निरीक्षक चन्द्रबहादुर थापाले घटनाबारे अनुसन्धान जारी रहेको बताए । अहिलेसम्मको अनुसन्धानले घटना स्थानीयवासीबाटै भएको देखिएको पनि उनले जनाए । ‘घटनाप्रति प्रहरी गम्भीर नभएको भन्ने आरोप निराधार छ । हामी निरन्तर अनुसन्धानमा जुटिरहेका छौं,’ थापाले भने, ‘केही टेक्निकल अनुसन्धान पनि गर्नुपर्ने भएकाले त्यसतर्फ जुटिरहेका छौं ।’

सिरियामा रहेका नेपाली महिलाहरू फर्कन मानेनन्

0

हिंसात्मक द्वन्दमा फसको सिरियामा रेहेका नेपाली महिला घरेलु कामदार (हाउससमेड) ले स्वदेश फर्कन अनिच्छा देखाएका छन् ।सिरिया मामिला हेर्ने इजिप्टस्थित नेपाली दूतावासका अनुसार खोजी क्रममा सम्पर्कमा आएका उनीहरुले तत्काल स्वदेश फर्कन नचाहेका हुन् ।

सिरियाली द्वन्द हिंसात्मक बन्न थालेपछि परिवारजनको अनुरोधमा उनीहरको उद्धार गर्न कन्सुलर विभागले इजिप्टस्थित नेपाली दूतावासलाई २० जनाको विवरणसहित नामावली पठाएको थियो ।दूतावासका प्रवक्ता सुजन बिडारीले भने,उद्धार गर्न भनिएका महिलालाई सम्पर्क गरेका थियौं । तर, उनीहरुले आफूलाई समस्या नभएको भन्दै फर्किन मन गरेनन् । उनीहरु आफ्नो काममा खुसी देखिन्छन् ।

सिंहदरबारभित्रै टेलिफोन लाइन काटिएपछि

0

पटक–पटक ताकेता गर्दा पनि बक्यौता रकम नतिरेपछि नेपाल टेलिकमले प्रधानमन्त्री कार्यालयदेखि मन्त्रालय र संसद् सचिवालयसम्मको टेलिफोन लाइन काटेको छ। टेलिफोन सेवा नभएपछि बुधबार सिंहदरबारभित्रका अधिकांश सरकारी कार्यालय अस्तव्यस्त बने। कतिपय कार्यालयले बुधबार अबेर रकम बुझाएर लाइन खुलाए पनि अधिकांशका टेलिफोन सेवा ठप्पै छन्। नयाँ बिलिङ प्रणालीअनुसार बक्यौता रकम नतिरेका देशभरका सरकारी कार्यालय तथा कूटनीतिक नियोगका कार्यालयको टेलिफोन काटिएको टेलिकमले जनाएको छ।

प्रधानमन्त्री कार्यालयले ५ लाख तिरेर टेलिफोन खोल्यो सबै टेलिफोन लाइन काटिएपछि प्रधानमन्त्री तथा मन्त्रिपरिषद्को कार्यालय केहीबेर अस्तव्यस्त बन्यो। तत्काल पाँच लाख तिरेर टेलिफोन चलाइएको छ। प्रधानमन्त्री तथा मन्त्रिपरिषद्को कार्यालयका प्रवक्ता सहसचिव विनोदकुमार कुँवरले भने, ‘नेपाल टेलिकमले ल्याण्डलाइनमा पनि प्रिपेड सिस्टम ल्याएको रहेछ। हामीलाई जानकारी भएन। पहिले पोस्टपेड थियो। टेलिफोन काटिएपछि हामीले पाँच लाख धरौटी राख्यौँ।’ यी मन्त्रालयले बेलुकातिर खोले बुधबार अपराह्नसम्म टेलिफोन सेवा बन्द रहेका कतिपय मन्त्रालयले भने बक्यौता रकम तिरेका छन्। कानुन, शिक्षा, स्वास्थ्य, अर्थ, सामान्य प्रशासन, युवा, परराष्ट्र, गृह, युवा, रक्षा, उद्योग, सहरी विकास र रक्षा मन्त्रालयको टेलिफोन सेवा चालू भएका छन्। त्यस्तै सिंहदरबारभित्रै रहेका रेडियो नेपाल, नेपाल टेलिभिजनको टेलिफोन पनि सञ्चालनमा ल्याइएका छन्। संसद्को ६० लाख बक्यौता संघीय संसद् सचिवालयले टेलिकमलाई ६० लाख बक्यौता तिर्न बाँकी रहेको स्रोतले बतायो। सचिवालयले केही वर्षदेखि नियमित बिलअनुसारको रकम तिर्दै आए पनि धेरैवर्षअघिदेखिको बक्यौता बाँकी छ। संसद् सचिवालयका सहसचिव सुरजकुमार दुराले आफूहरूले टेलिकमलाई केही समयका लागि सेवा खोलिदिन आग्रह गरिसकेको र बिहीबारदेखि कार्यान्वयन हुने बताए।

8

भर्खरै सुर्खेतमा दर्दनाक घटना

0

सुर्खेत — पञ्चपुरी नगरपालिका–२ सालकोटकी गीता चपार्इं र बराहताल–८ कुनाथरीका सुभाष बोहराबीच एक वर्षअघि साथी (परिवर्तित नाम लक्ष्मी) मार्फत चिनजान हुन पुग्यो । पहिलो भेटमै उनीहरूले मोबाइल नम्बर आदानप्रदान गरे । त्यसपछि बारम्बार फोन सम्पर्क हुन थाल्यो ।फोनबाटै उनीहरूबीच प्रेम झांगिँदै गयो । अन्तत: एकले अर्कालाई छुट्नै नसक्ने माया बस्यो । दुवैजनाले असार
६ गते सालकोटको पलैटेबजारमा भेट गरे । भेटपछिको फोनमा विवाह गर्ने निष्कर्षमा पुगे, गीता र सुभाष ।फोन कुराकानी, दुईपटकको भेट तेस्रो पटकसम्म आउँदा शारीरिक सम्पर्कमा परिणत भयो । असारदेखि पुस ४ गतेसम्म पटक–पटकका भेटमा यौनसम्पर्क भयो । बिहेअघि नै गीता गर्भवती हुन पुगिन् । बिहे गर्न सुभाषलाई आग्रह गरिरहिन् । गीताको आग्रहलाई सुभाषले स्वीकार गरेनन् ।

यदि बिहे नगरे घरमा गएर आत्महत्या गर्ने गीताको धम्कीपछि सुभाष भेट्न बाध्य भए । अन्तिम भेट अर्थात् पुस ४ को राति ९ बजे उनीहरूबीच बिहेकै विषयमा विवाद भयो । विवादपछि बिहे गर्छु भनी आश्वासन दिएर जामुने जंगलमा लगेर गीतालाई भीरबाटै धकेलिदिए । गीताको घटनास्थलमै मृत्यु भयो । गीताको हत्यापछि फरार १९ वर्षीय सुभाषलाई प्रहरीको केन्द्रीय अनुसन्धान ब्युरो (सीआईबी) ले यही चैत २८ गते पक्राउ गर्‍यो ।जामुनेमा माघ ९ गते टाउको (कंकाल) फेला पारेको प्रहरीले लामो अनुसन्धानपश्चात अभियुक्तलाई भुम्ती गाउँपालिका–४ काभ्रेबाट पक्राउ गर्‍यो । झन्डै चार महिनापछि पक्राउ परेका सुभाषले गीताको हत्या गरेको स्वीकारे । उनी काभ्रेमा लुकीछिपी मजुदरी गर्दै आएका थिए ।

प्रहरीको प्रारम्भिक अनुसन्धानले मानसिक दबाबमा परी सुभाषले गीताको योजनाबद्ध तरिकाले हत्या गरेको जनाएको छ । ‘दुलही स्वीकारेर घर लैजान हिँडाएका’ उनले योजनाबद्ध रूपमा भीरबाट धकेलेको बताए । जिल्ला प्रहरी प्रमुख (एसपी) उमाप्रसाद चतुर्वेदीले ग्रिनपार्क एकेडेमी, नेपाल राष्ट्रिय प्राथमिक विद्यालय हुँदै जामुने जंगल पुगेका सुभाषले घाँटी थिचिथिची खोल्सामा फालेको बयानबाट खुल्न आएको बताए । ‘गीताको चप्पल र कपालमा लगाउने काँटा भीरमै भेटियो,’ एसपी चतुर्वेदीले भने, ‘टाउको कंकाल मात्रै भेटिएकाले कसरी हत्या भयो ? विस्तृत अनुसन्धान हुनै बाँकी छ ।

गीताको सामसुङ मोबाइलसहित सुभाष भोलिपल्ट पुस ५ गते घर हुँदै वीरेन्द्रनगर आएका थिए । सुरक्षित स्थानको खोजीमा उनी त्यसै दिन वीरेन्द्रनगरबाट काठमाडौं गएको प्रहरी अनुसन्धानले जनायो । कल डिटेलअनुसार फोन र फेसबुक म्यासेन्जरमा भएका कुराकानीको अनुसन्धान गर्दै जाँदा उनी पक्राउ परेका हुन् । ‘कल डिटेल हेर्दा नयाँ नम्बरबाट ३७ सेकेन्ड फोन गरेको पाइयो,’ एसपी चतुर्वेदीले भने, ‘फेसबुक ह्याक गर्दा भेटौंन, केही गर्दिनँ जस्ता कुराकानी भएको छ, हत्या उसैले (सुभाष) नै गरेको पाइयो ।’ प्रहरीले सुभाषमाथि कर्तव्य ज्यान अभियोगमा मुद्दा दर्ता चलाइसकेको छ । प्रहरीले बेवारिसे अवस्थामा टाउकाको कंकाल भेटिएपछि अनुसन्धान थालेको थियो ।

कान्तिपुरमा खबर छ