डेरा खोज्दै सांसद

0
25

प्रदेश नम्बर ७ को प्रदेश पहिलो प्रदेश बैठमा उपस्थीत हुन विभिन्न ठाँउबाट आएका सांसदहरु अहले किोठा खोज्न तर्फ लागेका छन् । माघ २१ गते हुने ७ नम्बर प्रदेशको पहिलो प्रदेशसभा बैठकमा सहभागी हुन प्रदेशसभा सदस्यहरु धनगढी भित्रीने पनि क्रम सुरु भएको छ ।

प्रदेश नम्बर–७ का ९ वटै जिल्लाका ५३ जना प्रदेशसभा सदस्यमध्ये अहिले अधिकाशं सासंद धनगढी पुगेका छन् । संसदीय दलको नेता बन्न र मन्त्री बन्नका लागि राजधानी काठमाडौंमा रहेका र आफ्नै गहृ क्षेत्रमा रहेका प्रदेशसभा सदस्यहरु प्रदेश नम्बर–७, को अस्थायी राजधानी धनगढी पुग्न थालेका हुन् ।

यस्तै प्रदेश नम्बर ७ को अस्थायी मुकाम धनगढी भएसँगै प्रदेश सदस्यहरुले धनगढीमा डेरा खोज्न सुरु गरेका छन् । ७ पहाडी जिल्ला, कञ्चनपुर र धनगढीभन्दा बाहिर घर भएका प्रदेशसभा सदस्यहरु धनगढी प्रदेशसभाको बैठकका लागि डोराको खोजीमा रहेका छन् ।
शपथ ग्रहण गरेर आ–आफ्नो क्षेत्र फर्केका प्रदेशसभा सदस्यहरुले निकटका मित्र तथा दलका सहकर्मीलाई कोठा खोजिदिन आग्रह गरेका छन् । कैलालीमै घर भएकालाई धेरै पिरलो नभए पनि अन्य ८ जिल्लाका सांसदले समयमै डेरा प्रबन्ध मिलाउन थालेका हुन् । बाजुराका प्रदेशसभा सदस्य प्रकाशबहादुर शाहले धनगढीमै डेरा खोज्न आफन्तलाई आग्रह गरेको बताए ।

अधिकांश प्रदेशसभा सदस्यले, सुविधायुक्त ‘फ्ल्याट’ को खोजी गरे पनि डेरा नै खोज्न ठूलै समस्या भने नपरेको बताएका छन् । विभिन्न जिल्लामा राजनीति गर्दै आए पनि प्रदेशको केन्द्र भएको ठाउँमा बसेर आफ्नो क्षेत्रका लागि विकास निर्माणका योजनाहरु लैजान सकिने भएकाले धनगढीमै डेरा खोज्ने योजना रहेको दार्चुलाबाट प्रदेशसभा सदस्य गेल्वुसिंह बोहराले बताए ।

कैलालीसँगै जोडिएको जिल्ला कञ्चनपुरका सांसद भने डेरा खोज्ने कि घरबाटै ओहोर–दोहोर गर्ने भन्ने दोधारमा छन् । केही सांसद प्रदेश सरकार गठन हुँदा मन्त्री बन्न पाइने आशमा पनि छन् । त्यसैले सरकार गठन नहुन्जेल डेरा नखोज्ने र स्थायी राजधानी भएपछि मात्रै डेराको चाँजोपाजो मिलाउने मनस्थितिमा पनि छन् । कोही सांसद भने तत्कालका लागि साथीभाई र आफन्तको घरमा पाहुना बन्ने तयारीमा छन् । प्रदेशसभा सदस्यहरुले डेरा खोज्न थालेसँगै धनगढीमा पहाडी जिल्लाबाट आउनेहरुको चहल पहल पनि बढ्न थालेको छ ।

LEAVE A REPLY

Please enter your comment!
Please enter your name here